Laster Arrangementer

Folkemusikk frå indre Agder

Raabygg består av tre musikarar med felles interesse for både hits og bortgøymde låtar frå Agder. Med hardingfeler, song og harpeleik tek dei fatt i gamle melodiar og arrangerer desse intuitivt. Kjernerepertoaret til Raabygg er folkemusikk frå Råbyggelaget, som er ei gammal nemning for dei indre bygdene I Agder. Musikken har eit stort spekter, og gruppa tek føre seg gangarar, springarar, brureslag, bånsullar og all slags runddans. I den eine augneblinken spelar gruppa forrykande rilar, medan dei i den neste syng ein dyster brureslått acapella. Dei siste åra har Raabygg spelt mange konsertar rundt om i landet og vore å finne på mangt eit festivalprogram. Under Landskappleiken i Vågå i 2016 vann dei Open klasse og fekk med det innpass i Den norske opera og ballett på meisterkonsert påfølgjande haust. Det markerte slutten på lanseringsturneen for debutalbumet «Ein etter far», som kom ut i oktober.

 

Medverkande
Johanne Flottorp – hardingfele, vokal
Tuva Færden – hardingfele, vokal, lyre
Sigrid Kjetilsdotter Jore – harpeleik, vokal, munnharpe

Flytting av arrangement på grunn av regn vert bestemt om morgonen same dag og vert varsla på Facebook, heimesider og med plakatar på festivalkontor og arenaer.