Laster Arrangementer

Konfekteska med dei mange gode bitane

Opningskonserten vil gi publikum nokre smakebitar frå festivalprogrammet med både kjende og ukjende utøvarar frå fjern og nær – kanskje aller mest nær akkurat i år. Per Anders Buen Garnås heidrar sin onkel, Hauk Buen, som vandra hen i vår. Afrikansk strengeleik møter norsk kveding i ein ny spennande trio med Becaye Aw, Ibou Cissokho og Liv Ulvik. Det vert kjenslevar og nær flamenco-song frå Ingrid Jasmin Vogt og Jesús Morente, medan Magnus Wiik kjem med leiken blågras. Kongens fortenestemedalje vert overrekka til Kjell Christian Midtgaard. Elevar frå talentkurset Folkemusikk fordjuping syng, spelar og dansar, og det vert ein liten smakebit frå årets tingingskonsert, «Aalka – it begins». Kanskje vert det óg ein og anna overrasking?

Velkomen til ei nydeleg konfekteske av ein konsert!

Flytting av arrangement på grunn av regn vert bestemt om morgonen same dag og vert varsla på Facebook, heimesider og med plakatar på festivalkontor og arenaer.